ऊ हेर परबाट आउँदैछे मायालु तिम्री

तिम्रो बर्षों लामो पर्खाईको पिडा मेटाउन।
एक नजर उनको पाउन लालयित बनेका
तिम्रा आँखाका रहर मेटाउन।
कोसौं टाढाको दुरी पार गर्दै।
एक एक पल बेछोड़मा पानीसरी
बगाएका अनमोल ती आँसु  पुछ्दै।
(ऊ हेर परबाट आउँदैछे मायालु  तिम्री) २

एउटा हातमा झोला, अर्को हातमा मोबाइल समाउदै।
बाटोमा अनगिन्ति ढुङ्गारूपी छरिएका बाधा अड्चनले
दिदै गरेका ती  चोटको प्रवाह नगरी।
गुलाबी ती ओठबाट मधुर मुस्कान छर्दै।
सदाको लागी तिम्रो साथ दिन
तिम्रो मायामा कसैले प्रस्न चिह्न उठाउन नसक्ने गरी।
(ऊ हेर परबाट आउँदैछे मायालु  तिम्री) २

टक टक टक टक सार्हो कालो हिल जुत्तामा
बन्धित गोरा गोरा ती कोमल पाउको हिडाइँ।
क्षणिक् क्षणिक् भई छिन छिनमा बज्दै
सुसेली रहेको हावासँग तालमेल मिलाउदै।
रेशमी ती लामा लामा कपाल
हावामा फरर लहराउँदै।
(ऊ हेर परबाट आउँदैछे मायालु  तिम्री) २

मनका वेदना मनमै गुम्स्याई दैनिकी
बनेको जीवनको लेखालाई
आफ्नो माया पिरतीको आस्थाले तोड्दै।
हरेक  सुख दुखमा साथ दिई
जन्मौ जन्मौ सँगै बाँच्ने सँगै मर्ने
ती वाचा कसमलाई आत्मसाथ गर्दै।
(ऊ हेर परबाट आउँदैछे मायालु  तिम्री) २