सकिनँ मैंले भन्न कहिले
गर्छु तिमीलाई माया भनी
जुनी -जुनी हरेक जुनी
पाईला -पाईलामा साथ दिन्छु भनी।
कोशिश कैयौं मैंले नगरेको होइन
तिम्रोसामु मनका मेरा भाव पोख्न
हरेक क्षण धड्किने तिम्रोलागी
धड्कन यो हृदयको तिमीलाई सुनाउन।
तर भाग्यको बिडम्बना भनौँ
या त कमी ममा आत्मविश्वासको
चाहेर पनि असफल नै रहेँ
पोख्न तिम्रोसामु भावना यो मनको।
मनको भाव मनमै गुम्सिनैरह्यो
दुरी तिम्रो मेरो बीच बढ्दै गयो
सपनाको संसार मात्र रह्यो साथमा
बित्ने भयो यो जीवन एक्लोपनमा।
Sourlin Outer
2075.05.26
No comments:
Post a Comment