कि मेरो मनको भ्रम हो

आँखा त रसाए रसाए, मन पनि किन रुदों हो

मेरो कथा मेरो व्यथा, कसले पो बुझ्दो हो

लाग्छ एक्लो भाछु म, एक्लो एकदम

साँच्चै छु कि म एक्लै, कि मेरो मनको भ्रम हो

होइन म साँच्चै एक्लो भाछु, एक्लो एकदम

काँप्न थाल्दछ शरीर, बढाउन खोज्दा कुनै कदम

मान्दैन मन सम्झाउन खोज्दा, खाली खोज्छ रुन

बितेका पल याद गर्दै भाव विह्वल हुन .

लाग्छ दैबले पनि सबै पीडा मलाई नै दिएको हो

उज्यालो दिई सबैलाई, अन्धकारमा मलाई धकेलेको हो

फूल चुदाएर मेरो जीवनमा कांडाको घारी रोपेको हो

स्वर्ग सुम्पी अरुलाई , नर्कमा मलाई फालेको हो

लाग्छ एक्लो भाछु म, एक्लो एकदम

साँच्चै छु कि म एक्लै, कि मेरो मनको भ्रम हो

शिथिल भाछ शरीर, कायर एकदम मेरो मन

पूरा हुदैनन् कुनै कार्य, बिचमै हुन्छ भग्न

सफल भइएन कहिले जति गरेनी लगन

थाँती नै रह्यो रहर मेरो चुम्ने गगन

लाग्छ एकदम श्रापित छु श्रापित मेरो जीवन

दुख कस्ट अझैं झेल्नुछ सजिलो हुनेछैन मरण

मेरो मात्र जीवनमा डढेलो लगाइएको हो

एक पछि अर्को गर्दै दुखको भाटाले हानेको हो

लाग्छ एक्लो भाछु म, एक्लो एकदम

साँच्चै छु कि म एक्लै, कि मेरो मनको भ्रम हो