timro mero sambandha

सुनौलो सपनाको  सुरुवात तिम्रो आगमन संगै
मधुर मुस्कानमा  तिम्रो मोहित भई  परिरहें दंगै।

कस्तो चट्ट सुहाएको ओठको  त्यो कालो कोठी
लठ्ठ परी हेरिरहन्थे  तिम्रा  आँखा ती गुलाबी।

बिस्तारै बिस्तारै भयो कुराकानीको सुरुवात
नसम्झी तिमीलाई मेरो कटेन कुनै रात।

सुनेँ तिम्रो कहानी  सुनाएँ तिमीलाई मेरोपनि
रोजिसकेको थिँए तिमीलाई मेरो मनकी रानी।

गाँसिदै  गयो सम्बन्ध, भयो माया अझ प्रगाढ
लाग्न थाल्यो भाग्यले  राखिदिए ममाथि आफ्नो हात।

दैनिकी  बन्यो दिवाको भेटघाट ,रात्री फेसबुकमा   बार्तालाप
भगवानले नै जुराईदिएको हुनुपर्छ तिम्रो मेरो मिलाप।

रहेन अब डर कुनै , परेन भबिस्यको चिन्तामा अल्झिन
तिम्रो ममा बिश्वाश काफी छ हर पाइलामा सफलता चुम्न।

साथ मेरो यसरीनै दिईराख्नु  हर्दम मेरी प्रिय ,
हुनेछन् हाम्रा जीवनका हरेक पलहरु स्वर्गीय।